სოსისის და ბეკონის კრეპი არაჟნის სოუსით

არაჟანი მოვათავსოთ ერთჯერად ქუდში (მარლა) და დავკიდოთ მაცივარში, რათა გაიწუროს. დავაყოვნოთ მინიმუმ 3 საათი ან სასურველია მთელი ღამით. ბლენდერში მოვათავსოთ გაზიანი მინერალური წყალი, ფქვილი, შაქარი, მარილი, მზესუმზირის ზეთი და დავაბლენდეროთ, სანამ ეთგვაროვან მასას არ მივიღებთ. შემდეგ, წვრილ საწურში გამოვატაროთ, რათა მივიღოთ სუფთა მასა. მიღებული მასა საშუალოდ გახურებულ კრეპის ტაფაზე დავასხათ და გამოვაცხოთ ორივე მხრიდან.

ბეკონის შაშხი მოვათავსოთ ცივ ტაფაზე და საშუალო სიმხურვალეზე გავაცხელოთ. ნახევრად დაბრაწულ ბეკონს ტაფაში დავუმატოთ ლიონური სოსისი და დავასრულოთ ორივე პროდუქტის დაბრაწვა.

კრეპში მოვათავსოთ წვრილად ჩახეხილი ყველი გაუდა, სოსისი ლიონური, ბეკონის შაშხი ოჯახურად და მივირთვათ გაწურულ ცივ არაჟანთან ერთად.