შაშხის და სოსისის კომბოსტოს სალათი

დრესინგის მოსამზადებლად ჯამში მოვათავსოთ: მარცვლოვანი მდოგვი, ნეკერჩხლის სიროფი, ვაშლის ძმარი, მარილი, შავი წიწაკა, წვრილად დაქუცმაცებული ნიორი და სათქვეფით ნელ-ნელა შევათქვიფოთ ზეითუნის ზეთი.

ორივე სახის კომბოსტო დავჭრათ თხლად და მოვაყაროთ 7 გრამი მარილი, გადავურიოთ კარგად მოვჭყლიტოთ ხელით და საწურზე გავაჩეროთ 15 წუთით, წყალი გადავავლოთ, რომ მოვაცილოთ ზედმეტი მარილი. საშუალო ზომებად დაჭრილ ავოკადოს და ჩერი პომიდორთან ერთად მოვათავსოთ ჯამში და დრესინგი გადავურიოთ.

სოსისი შევწვათ გრილზე. სალათი მოვათავსოთ თეფშზე, ზემოდან გრილზე შემწვარი ლიონური სოსისი და თხლად დაჭრილი ღორის შაშხი პაპრიკით.