შაშხის და სოსისის ღვეზელი

თეთრი ხახვი დავჭრათ ალყა ალყა და წვრილად ჩაჭყლეტილ ნიორთან ერთად მოვშუშოთ ერბოში საშუალო ტემპერატურაზე გაცხელებულ ტაფაში, სანამ არ დარბილდება ხახვი, დავუმატოთ პატარა კუბებად დაჭრილი ღორის კისრის შაშხი. მოვშუშოთ 5 წუთი და დავუმატოთ გაყინული მწვანე ბარდა, წვრილად დაჭრილი ქინძი გადავურიოთ და გადმოვდგათ გაზიდან.

ფენოვანი ცომი გავაბრტყელოთ ,გულსართში მოვაქციოთ მოშუშული მასა, ზემოდან დაჭრილი სოსისები მოვალაგოთ და ფენოვანი ცომი გადავაფაროთ. აუცილებელია საკვამური დავუტოვოთ, რადგან ცხობისას ზედმეტი სიმხურვალე გარეთ გამოიტანოს და ფენოვანი ცომი არ გახლიჩოს. ფენოვან ცომს ზემოდან გადავუსვათ კვერცხის და არაჟნის მასა, გამოვაცხოთ 180 გრადუსზე 25-30 წუთის განმავლობაში.