შაშხის და კვერცხის ტოსტი

ნიორი გავრეცხოთ და თავი ისე გადავაჭრათ, რომ კბილები არ დაიშალოს. საცხობ პლაკზე დავაფინოთ ფოლგა, ზედ მოვათავსოთ ნიორი, ზემოდან დავასხათ თაფლი და ზეითუნის ზეთი, მოვაყაროთ მარილი და წიწაკა. გამოვაცხოთ 200°C-ზე გახურებულ ღუმელში 30–40 წუთის განმავლობაში, სანამ ნიორი არ დაკარამელიზირდება. როდესაც გამოცხვება, კბილების ფოჩებიდან გამოვწუროთ შემწვარი ნიორი და გადავიტანოთ ხელის ბლენდერის ჭიქაში. დავამატოთ შემდეგი ინგრედიენტები: 1 ცალი კვერცხი, დიჟონის მდოგვი, ლიმონის წვენი, თეთრი ძმარი, 5 გრ მარილი და მზესუმზირის ზეთი. ჩავაბლენდეროთ, სანამ მასა არ ემულსირდება და არ მივიღებთ ერთგვაროვან, პრიალა კონსისტენციას.

4 ცალი კვერცხი მოვათავსოთ უკვე ადუღებულ წყალში და ვხარშოთ 7 წუთის განმავლობაში. შემდეგ გავაცივოთ გამდინარე წყალში და გავარჩიოთ. კვერცხის გულები ცალკე ჩავზილოთ, ცილა კი უხეშად დავჭყლიტოთ. გადავურიოთ ერთმანეთს და თანდათან დავამატოთ ნიორის აიოლი (მაიონეზი) იმდენი, რამდენიც საჭირო იქნება სასურველი კონსისტენციის მისაღებად.