ჰოთ დოგი ფენოვან ცომში

ბეკონი დავჭრათ პატარა ნაჭრებად. ცივ ტაფაზე მოვათავსოთ და საშუალო ტემპერატურაზე გავახუროთ, ვშუშოთ სანამ დაიბრაწება და ამოვალაგოთ ტაფიდან.

ბეკონის ცხიმში მოვშუშოთ თხლად, ნახევარ რკალებად დაჭრილი ხახვი, სანამ არ დაკარამელიზირდება. უკან ჩავაბრუნოთ ბეკონი და დავუმატოთ: ნეკერჩხლის სიროფი, ყავისფერი შაქარი, ორმაგი ესპრესო, ვორჩესტერის სოუსი და ვადუღოთ საშუალო ტემპერატურაზე სანამ არ მივიღებთ მურაბისებრ მასას.

ფენოვანი ცომი გავაბრტყელოთ ოვალურ ფორმაზე და სამკუთხედ ფორმაზე გადავაფინოთ, გადავუსვათ კვერცხის და არაჟნის გათქვეფილი მასა. გამოვაცხოთ 180 გრადუსზე 15-20 წუთი.

გამომცხვარ ფენოვან ცომში მოვათავსოთ აისბერგის ფოთოლი, მოხარშული ფრანკფურტერის სოსისი, დავასხათ მდოგვი და ზემოდან მოვათავსოთ ბეკონის ჯემი.